Colegio Ikasbide Ikastetxea

Familia horiek:

22-23 ikasturtea oso azkar igaro da eta amaierara iritsi da. Teresiar Erakundearen ikastetxe
guztiek lelo bera partekatu dugu:

Ikastetxeko kortxoetan, bidali dizkizuegun informazioetan eta, batez ere, ikastetxeko bizitzan
egon da presente: loturak sortu ditugu eta Ikasbideko hezkuntza-komunitateko kide guztien,
ikasleen, langileen eta familien arteko topaketaren kultura sustatu dugu; eta Pedro Povedaren
esaldia egia bihurtzen saiatu gara: “Hemen denok egin behar dugu lan” , soberan ez dago inor.

Eta une onetan egin dugu, eta hain gozoak ez direnetan ere bai: pandemia, transmisio handiko
uneak utzi dizkiguna; LOMLOE abian jartzearen inguruko ziurgabetasuna... Batzuei eta besteei
aurre egin diegu, denon artean lankidetzan arituz gauzak hobeto konpontzen direla jakinda.

Ilusioz lanean jarraituko dugu datorren ikasturtearen antolaketan, berritasunez beteta
baitator, hasieran azalduko dizuegun bezala.

Atseden eta konexio oneko uda opa dizuet.

Agur bero bat,
Blanca López Arbeloa, zuzendaria

2022ko maiatzaren 31n, Ikasbiden, Master Class bat ospatu dugu. “Haurrek etorkizuna jaten dute” proiektu barruan egin dugu, Scolarest,  gure jantoki-zerbitzuarenhornitzailearen eskutik. Horri  esker, gure ikasleak kultura gastronomikoan trebatu dira.

Fernando Canalesek (La Despensa Etxanobe) eman du Master Class hau: entsalada (Lehen Hezkuntzako 1.maila) eta lapikoa (Lehen Hezkuntzako 3. Maila).

Eguna arrakastatsua izan da. Gure ikasleek Fernando Canalesen talentu, konpromiso eta eskuzabaltasunaz gozatu ahal izan dute.

Joan den maiatzaren 6an Lehen Hezkuntzako ikasleok San Pedro Povedaren eguna ospatu genuen Jaialdi batekin.

Aurreko asteetan maila bakoitzeko dantza batzuk entseatzen egon ginen, eta jaialdiaren egunean, Karmengo areto nagusira antzeztera joan ginen. Lehenengo, taldeko argazkia atera genuen Pedro Povedarekin, eta, gero, emanaldiarekin hasi ginen.

6. mailako ikasleek aurkeztu zuten eta bikain egin zuten!

• Lehen Hezkuntzako 1. mailakoak pirataz jantzita etorri ziren, eta “Bandera, untzi eta kalabera” abestia dantzatu zuten.

• 2. mailakoek Korrikako petoa ekarri eta “Nahi dut” dantza egin zuten.

• 3. mailakoek, “Kolore kolore” dantzatu zuten, ikasgelan egindako maraka batzuekin.

• 4. mailakoek, “Libertad” abestu eta dantzatu zuten.

• eta 6. mailakoek “Umbrella” eta “Kantu bat”.

Eta, amaitu zutenean, sorpresa bat eman ziguten, musika klasean prestatutako “Ikastitanium” abestia abestu eta dantzatu zuten.

Oso animatua egon zen eta oso ondo pasatu genuen!