Colegio Ikasbide Ikastetxea

Ikastetxeko Erakunde Titularra Instituzio Teresiarra da eta IT Ikastetxeetako Idazkaritzaren Titulartasuneko Taldearen bidez gauzatzen du. Talde horren zuzendaria Patricia Marichal Cosio da.

Instituzio Teresiarra Eliza Katolikoaren elkartea da. San Pedro Povedak eratu zuen Espainian, 1911n.

Fedezko bizipen, lanbide eta familia-bizitzaren bitartez, Ebanjelioaren baloreen zeinu eta hartzigarri izan nahi duten kristauek osatzen dute elkartea. Bizi izaten dituzten errealitateen beharrei adi egonez, San Pedro Povedak XX. mendearen hasieran laikoentzat izan zuen ikuspen profetikoan inspiraturik, anaitasunezko mundu bidezkoagoa eraikin nahi duten emakumeak eta gizonek.

San Pedro Povedak bezala, Instituzio Teresiarrak honela jokatu nahi du:

• kulturaren eta kulturen muinean,
• gizakiari dagokion oroz begikotasunez arituz,
• kontenplaziozko jarreraz,
• “egiten hasteko” gogo biziaz,
• hezkuntzak indar eraldatzailea duela sinetsita,
• esperientzia mingarriak bizitzen dutenengana hurbilduz,
• apaltasunarekin eta indarkeriarik ezarekin konprometituta,
• gizakundearen espiritualtasunetik, Jainkoa gizon egin zelako misterioan oinarrituta,
• elizaren misio ebanjelizatzaileari lagunduz, gizakia sustatzen eta gizartea eraldatzen.
• lehenengo kristauak bezala.

Gaur egun, Amerikako, Afrikako, Europako eta Asiako 30 herrialde baino gehiagotan jarduten du.

Egoitza nagusia:
Via Clitunno 33-35
00198- ERROMA
Tel.: 39/06/844 351 eta 06 844 3544
Helbide elektronikoa: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Espainiako egoitza soziala:
Príncipe de Vergara 88
28006, MADRIL
Tel.: 34/91 562 5435
Helbide elektronikoa: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Autonomia, parte-hartze eta lidergo banatuaren printzipioetan oinarritzen den kudeaketa-eredua euskarri izanda lan egiten dugu. Eredu horretan, erakundearen maila guztiek erantzukizuna elkarrekin euren gain har dezaten sustatzen da.

Zuzendaritza-taldeak ikastetxearen zuzendaritza-zeregina modu partekatuan hartzen du bere gain; izan ere, berari dagozkio erabakiak hartzeko azken erantzukizuna eta ikastetxearen jardunbidearen jarraipena.

Zuzendaritza-taldeak, zuzendariak koordinatzen duenak, ikastetxearen jardunbidea aztertu eta erabakitzen da. Hauek dira taldekideak: zuzendaria, etapetako zuzendari pedagogikoak, orientabide-koordinatzailea eta pastoraltza-koordinatzailea.

Instituzio Teresiarrak ikastetxearen erakunde titular gisa duen erantzukizuna betetzen du IT Ikastetxeen Idazkaritzako Titulartasun Taldearen bitartez.

Egungo hezkuntza-eskaerei erantzuteko helburuz, Povedaren Pedagogia oinarri duten funtsezko ardatz batzuen arabera taxutu dugu hezkuntza-eskaintza:

1. Eskola barne-hartzailea: eskolan ez dira desberdinak tratatzen, desberdintasunarekin lan egiten baino. Eskolan desberdintasuna (kulturen artekoa, gaitasunen artekoa, jokabideen artekoa, interesen artekoa...) kontuan hartzen da, abiapuntu gisa, gertaera natural gisa eta balore sozial gisa. Eskolan ikasle guzti-guztiak hartu egingo direla bermatuta dago, baita ikasle guztien desberdintasunak onartu eta errespetatuko direla ere.
2. Eskola demokratikoa eta parte-hartzailea, bizitza familiarrean, harreran, aukera-berdintasunean oinarritutako bizikidetzan, parte-hartzean edo elkarrenganako laguntzan inspiratutako hezkuntza-era du, zeinean elkarrizketa, errespetua eta lagun-egitea nagusitzen diren. Portaera asertiboak, elkarrizketa, eta gatazkak modu baketsuen bidez konpontzea sustatzen dituen eskola. Giroak, testuinguruak, irakasleek eta irakasleak ez direnek, eskola-jarduerek eta eskolaz kanpoko jarduerek hezten duten eskola, zeinean eskola-elkarte guztia partaide den.
3. Gizarte hurbilaz arduratzen den eskola, inguruko gizarte-agenteekiko lankidetza sortu eta nahi duen eskola, pertsonekin eta ingurumenarekin solidarioa den gizartea elkarrekin eraikitzeko asmoz. Ikasleei, gizarte-errealitatearekin eragiteko, konpromiso sozialeko eta inguruko gizarteen eskaerei erantzuteko ekintzak lehen pertsonan bizitzeko aukera ematen dieten esperientziak sustatzen dituena.
4. Eskola berritzailea, etengabe sortzen diren baloreei irekita dagoena, irakatsi eta ikasteko prozesuan, gogoeta kritikoa, besteekiko lankidetza, bizikidetza konstruktiboa eta guztien harrera unibertsala eta barne-hartzailea sustatzen dituzten metodologiak sustatzen dituen eskola, kulturartekotasuna baliotzat hartzen duena eta informazioaren eta komunikazioaren teknologia berriak modu kritikoan erabiltzen dituena.
5. Irakasleak hezkuntza-ekintzaren elementu erabakigarria diren eskola. Giltzarriak dira, planteamenduak paperetik ikastetxearen bizitzara igarotzea ahalbidetzen dutelako eta ikasleari lagun egiten, laguntzen dion eta koskortzeko prozesua ahalbidetzen dutelako. Gure ustez, beraz, irakasleen prestakuntza ezinbestekoa da koherentzia eta berrikuntzarako.
6. Eta hori guztia zeharkatuz, kristau-eskola, fedezko bizipena, esperientzia eta adierazpena sustatzen dituena. Hezkuntza-prozesu guztien ardatza eta funtsa, kristau-dimentsio ebanjelizatzailea den eskola.