2022ko maiatzaren 31n, Ikasbiden, Master Class bat ospatu dugu. “Haurrek etorkizuna jaten dute” proiektu barruan egin dugu, Scolarest, gure jantoki-zerbitzuarenhornitzailearen eskutik. Horri esker, gure ikasleak kultura gastronomikoan trebatu dira.
Fernando Canalesek (La Despensa Etxanobe) eman du Master Class hau: entsalada (Lehen Hezkuntzako 1.maila) eta lapikoa (Lehen Hezkuntzako 3. Maila).
Eguna arrakastatsua izan da. Gure ikasleek Fernando Canalesen talentu, konpromiso eta eskuzabaltasunaz gozatu ahal izan dute.
Joan den maiatzaren 6an Lehen Hezkuntzako ikasleok San Pedro Povedaren eguna ospatu genuen Jaialdi batekin.
Aurreko asteetan maila bakoitzeko dantza batzuk entseatzen egon ginen, eta jaialdiaren egunean, Karmengo areto nagusira antzeztera joan ginen. Lehenengo, taldeko argazkia atera genuen Pedro Povedarekin, eta, gero, emanaldiarekin hasi ginen.
4. mailako ikasleek 2022 Hezkuntzaren aldeko Munduko ekintza astean (HAM) parte hartu dute, apirilaren 25etik 30era. Aurtengo leloa “Altxa ahotsa irakasleen alde” izan da.
Altxa dezagun ahotsa, eta agerian jar ditzagun gure eskaerak, mundu osoko guztiontzako kalitateko hezkuntzan irakasleen balioa aitortzeko!
Astean zehar ikasleek hausnartu zuten zein hobekuntza eskatuko zenizkiekeen gurea bezalako ikastetxeetan ez ezik, beste herrialde batzuetako ikastetxeetan ere, lan egiten duten irakasleentzat, baita larrialdi-egoeretan ere, eta zein esker on egin nahi diegun: nola aitortzen dugun haien lanaren balioa. Haien mezuak idatzi eta marrazki batzuk egin zituzten. Ondoren Indautxuko plazan osteguneko mobilizazio-ekitaldira eraman zuten eta Mapamundi pankarta erraldoi batean jarri zituzten.
Ekitaldi horretan beste ikastetxe batzuetako ikasleekin elkartu ginen eta hainbat jarduera eta tailer egin genituen. Dantza ere egin genuen! Oso dibertigarria izan zen.
Amaitzeko, ikasle batzuek euren mezuak irakurri zituzten eta taldeko argazkia atera genuen.
Joan den maiatzaren 4an, Pedro Poveda gure sortzailearen kanonizazioaren urteurrena ospatu genuen. Bere bizitza eta mezua gogoratzeko Egun on batekin hasi ginen eguna. Gainera, Teresiar Instituzioko ikastetxe guztiok osatzen dugun familia handia elkar ezagutu ahal izan genuen, ikastetxeen artean senidetuz. Ikasbide Bartzelonako Arrels ikastetxearekin senidetu zen eta, bideo baten bidez, gure ikastetxeak elkarri aurkeztu genizkien.
Aste horretan zehar ere hainbat jarduera egin genituen, elkarrekin ederto pasatu genuen. Pedro Poveda gure sortzailearengana hurbiltzeko aukera paregabea izan genuen.
