6. mailako ikasleak ekimen oso berezi baten protagonista izan dira gure ikastetxean: "Nire...
Bilboko Instituzio Teresiarraren lagun agurgarriak:Pozten gaitu jakinarazteak Instituzio...
Once upon a time… Our center has added a magical touch to the teaching of English with the "Storytelling" project in the first cycle of Primary. Each week, students immerse themselves in the fascinating experience of learning English through storytelling. What better way to learn a language,
Colegio Ikasbide Ikastetxea
Atzo arratsaldean Olentzerok eta Mari Domingik bisitatu gintuzten eta hainbat opari utzi zizkiguten.
Oso hunkigarria izan zen! Haur Hezkuntzako ikasleak Gabon kantak abesteko elkartu ginen gure panderoekin, eta Olentzeroren abestia abesten genuen bitartean… hantxe agertu zen Mari Domingirekin batera, denok aho zabalik utzita.
Olentzerorekin eta Mari Domingirekin pixka batean hitz egin ondoren, ekarritako opariak banatu zituzten: arduradun bakoitzak jaso zuen gela bakoitzarentzako opari bana, ilusioz beteta.
Agurtu aurretik, maitasuna eta “hezurtxoak” banatu zizkieten guztiei, eta ikasleek Gabon kantak abestuz eskertu zieten.
Magiaz eta ilusioz beteriko arratsaldea izan zen, eta ziur gogoratuko dutela!
ESKERRIK ASKO OLENTZERO !! ESKERRIK ASKO MARI DOMINGI !!
Haur Hezkuntzako eta Lehen Hezkuntzako lehen zikloko ikasleek ingeleseko gela berria daukagu. Gela honetan lehen hiruhilekoan hainbat jarduera egin ditugu, storytellingeko, ingeleseko eta robotikako saioak hain zuzen ere. Gela hainbat txokotan banatuta dago, metodologia eta dinamika desberdinen bidez, baita taldekatze malguen bidez ere, hirugarren hizkuntza eskuratzeko bidean aurrera egin ahal izateko.
Hona hemen bideo bat horren erakusgarri:
https://www.youtube.com/watch?v=WzovhyIInmQ
Bilboko Instituzio Teresarriaren lagun agurgarriak:
Instituzio Teresiarrak Bilbon duen presentzia hezitzailearen mendeurrena ospatzeko antolatu ditugun azken bi ekitaldien berri eman nahi dizuegu.
Azaroaren 12an Mahai Inguru bat antolatu zen Ikasbide ikastetxean. Ikastetxeko abesbatzaren emanaldiarekin hasi zen. Ondoren, bertaratutako guztiak Instituzio Teresiarraren presentzia hezitzaileari dagokionez Bilbon bizi izan diren esperientzien anitzak entzun genituen. Hunkigarria izan zen Lolina eta Mikel, ikasle ohiak eta gaur egun eskolako ikasleen ama eta aita; Pablo, irakasle erretiratu berria; Magdalena, Errekaldeko Institutuko ikaslea; Mertxe, 90eko hamarkadan Ikasbideko zuzendaria izan zen eta, ondoren, Intered Euskal Herriko koordinatzailea; eta Arrate eta Jon, egungo Ikasbideko ikasleak. Adin desberdinak, esperientzia ezberdinak, baina denak oso aberatsak eta maitasun handiz kontatuak. Ekitaldia amaitzeko, bertaratutako guztiek parte hartu genuen, eta Instituziarekin Bilbon izandako esperientzia hobekien definitzen duten hitzak adierazteko aukera izan genuen, mentimeter baten bidez.
Abenduaren 2an, El Carmen aretoan, Mari Carmen Aragonés, Espainiako Instituzio Teresiarraren zuzendaria, eta Ana Arancibia, Interedeko zuzendaria entzuteko aukera izan genuen. Bien artean, Instituzio Teresiarraren Hemen eta Oraina aztertu zuten, eta hezkuntza eraldatzailearen aldeko apustua egiteko beharra azpimarratu zuten.
Ekitaldia amaitutakoan, bertaratutakoak ikastetxeko patiora joan ginen, eta han berriro elkartu eta oroitzapenak partekatu ahal izan genituen koktel batez gozatzen genuen bitartean. Mendeurrena ospatzeko antolatutako ekitaldiak amaitutzat emateko modu polita izan zen.
Bide batez, eskerrak eman nahi dizkiegu bertaratutakoei, ekitaldi ezberdinetan parte hartzeagatik, eta Instutuzio Teresiarrari, gaur egun Bilbon egiten duen lanagatik, Ikasbide zein Interederen bidez. MILA ESKER!
Pasa den astean, Ikasbideko langileok ongi etorria eman genion Abendualdiari, gogoeta egiteko eta elkarrekin egoteko.
1 orria 212 orritik